دارميّات
ترغمني أطخ لك رأس ما عندك أنصاف
ترمي إبسهم چتّال من الله متخاف
***
إمسافر إببحر الشوگ و إلّي ركس مات
أه يا زماني الفات شيرجعه هيهات
***
تجبرني أطخ لك رأس ما عندك إحساس
كلّمني يبن النّاس جاوبني لا بأس
***
طلعة و سفر بإلهور يم شاطي الماي
إبمرجوحة أركب إهواي لو يقبل إبهاي
***
كلّمني عيني إشبيك ما أگدر أنساك
روحي إشتهت تهواك تتعاشر إوياك
***
إطلب طلب مقبول بيه أنت مسؤل
إتحب ورد مشتول بس إطلب و گول
***
إشماله السعد معلول ما يمر بينه
وينك يبد الذات إسأل علينه
***
أربع إعزاز أمجاد بيهن هويّة
أنت ، الوطن ، و الدار ، والبيه حميّة
***
وينك يحلو الطول ايخدّرني طرواک
مشتاق أشوفك يوم وين أگدر الگاك
***
تقبلني أعيشن طير جنحاني إديّه
وياك أروح إوياك حد المنيّة
***
الدّنيا مجفيه وياي أذّتني بإلدين
تلعب لعب ويّاي لعب البزازين
***
أنزف و اخيط إجروح و البيّه بيّه
للوطن تاج الرأس و إسمه الهويّة
***
أحبّك و أموت إعليك شب گلبي إبنار
و الدّنيا دونك يوم ما تسوا دینار
***
عمر وفديتك بيه يل گلبي يهواك
إمعذّبني و شتريد و إتركني و أنساك
***
أحلم و أبشر المات القادرني بإلذات
ما أريد أظل متهوم للعايل و شات
***
بلبل يحلو الطول غنيلي بطوار
كلّمني حبّك نار يا شمعة بإلدار
***
إتجرّع تحبني اليوم و إكتب رسالة
قلمك بدر للشوگ و عجزك خياله
***
أسمعك غزل يهواي و لتگلّي ممنون
إبحبّك سبت مذلول لا ماني مجنون
***
يا ويلي أموت إعليك ريتك تجي وياي
تنسه القهر و الضيم من تگعد إحذاي
***
إسمع ينور النور الحبّوني أجناب
شيمة عرب و أحباب ما ينسد الباب
***
إركب إبظهر الخيل و إتسابق إوياي
كلمن يفوز إركاض يمتص ندء إشفاي
***
أتصوّرك نص اليل و أذكر كلامك
الدمعه إختفت بإلعين سمعت سلامك
***
يل حاير و بردان بجفوني أدفّيك
إطلب علي شتريد مطلوب أوفّيك
***
گلبي إبسهرو إبلوم ظل ممتحن بيك
أنت العگل و الروح و إشلون أجافيك
***
جاسم محمد الحسّاني 18/01/2025
:: برچسب‌ها:
دارميّات ,
:: بازدید از این مطلب : 0
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
