دخیل أللّه
ألگلب مجروح و أنت فوگه تشعل نار
دخیلک یبن أأدم لا تاذّینی
غاطس بإلمصایب و أنت تطلب ثار
أدگ بابک ولاکن ما تحاچینی
مسجون إبسجن وحدی و أون بإلدار
أدگ و ألطم إبشوگک ما تدلّینی
کاتلنی إلسهر مل من نحیبی إلجار
ألوحید أنت إبمصابی ما تعازینی
أرجوک إبتعد خافن یلوحک عار
خلّینی إبظیمی وحدی خلّینی
تدرینی إبجمالک ما أساوم غار
إذا أتبع وصالک من یبرّینی
دخیل أللّه إو دخیلک خوفی من إلمار
أشک بإلمای تشربنی إو تبدّینی
شبّت نار بیّه إو دمع ینزل حار
إذا أعمی إبوجودک هم تبارینی
تغافلنی إو علی ترمی سهام أشعار
ترید أسکت و أدوبح وأنت ترمینی
جسمی إتجرّح إو دم نزل ثوبه أو فار
بوصافک یریم إتعطّر إسنینی
ترکت إلشعر تایب منّه لمعه إنذار
تخبّلنی إبفرد مگطوعه تسبینی
عساها إبحظّک إو بختک گلب و إنهار
دمّرته إبحنانک من تعادینی
اریدنّک وفی حبّک نبت مسمار
إنتظرتک طیف و إبظیمی تهدّینی
خلّینی إبحیاتک جرعه قبل إلموت
إبعرس یوم إلوداع أنت إلتحنّینی
و إذا راید وفه هاک إلگلب مغمود
إفتحه و إکشف أسراره إلتسلّینی
ملّانه إلمحب کل لحظه یأتی إبطور
إبعذاب أنواع یکرمنی إو یهنّینی
یجینی إمفرّع إو بیده إلوعد منشور
إلگلب لو ینجرح یحظر یداوینی؟
حطّیته إختبار إو حچیه کلّه إبزور
یغثنی إبشمرة إزلوفه إو یدوّینی
ما أحس بیه أمل حسّیت بیه ناطور
یفز من نومته ساکر یداعینی
ما عندی ذنب صبری خلص شاجور
طلقاته إنرمن چیلاته تچوینی
دهورنی إلوکت و إلولف شدنی إنذور
علی شمرة حیاته إبذل یوصّینی
یدور إمراد بیّه إو عینه تسبی إتزور
لطیور إلسماء إبصوته إو ینادینی
ملّینه إو تعبنه یا گلب ماجور
إطنون إهموم شایلهن بعد عینی
یجی یوم إلفلاح إلیطرب إلبیه شور
إبصباح إلعید تگعد لی إو تماسینی
إهوای إستأجرتّک سمّتک مغرور
تشم وردة حیاتک و أنت بالینی
خلیهم حطب للنار ظل مستور
إلستر من ربّک إبلومی یدارینی
أرید أرگص مثل طیر إنذبح بإلزور
و أبوسن شفرة إلذابح یدمینی
هله بیه إلگصد لک و إلدرب مسرور
أفرش ورد دربه إفراگه یاذینی
أحطّه إبّطن عینی عیشه و إبتنّور
و أدفّیه ما یفز لمّن یبرّینی
و أگلّه إلبیت بیتک إبقی بیه ناطور
وجودک بإلگلب دایم یهدّینی
جاسم ثعلبی ألحسّانی 04/11/1400
:: برچسب‌ها:
قصیدة دخیل أللّه ، شعراء ألاهواز ، غزل الحبیب ,
:: بازدید از این مطلب : 1047
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
