أبوذیّات عزاء حسب إلطلبات
إلجفونی إبلیل شالوا من یردهم
أحباب إعزاز عندی من یردهم
إبضماهم فارگونه من یردهم
شلتهم للگبر و أصفج بدیّه
...
أحباب إلقادروا شالوا مکنهم
إبمضایفهم بگه خالی مکنهم
إلزمان أجبرهم أرغمهم مکنهم
إحیود إفراگهم یصعب علیّه
...
علی إلزینین أون و أنتحب و أنحب
إعزاز إو ما نفارگ محب و نحب
إلجفانه إو شال منّه إبلیل ونحب
إو گوطر یا بلد عاف إلخویّه
...
یگلبی إشما تون ون ون وناویاک
وین إترید أطیبنّک وناویاک
أقبلک و أقبل أحزانک وناویاک
إلجفونه أعزازنه إلعدهم حمیّه
...
ختل بینه إلزمان إو أخذ خلنه
إبعناده إو سهمه طگ بإلگلب خلنه
شال إلهیبه و إحنه إبحزن خلنه
مظلمه إدیارنه من فرگه إلاحباب
...
إلیشیل إلحمل بإلصعبات داره
عجید إو ضمّه وسط إلگلب داره
حسافه إلزین شال إو عاف داره
تون بیهه إلاحباب إبکل نویّه
...
إلدهر ما جاز منّی إو زاد ولمه
یچردس بإلمشاکل علی ولمه
إلفرح لا وین شت إو طاش ولمه
و أدلّیه إعلی بیتی إیمر علیّه
...
ثوب إلحزن روحی من کتلهه
یأذیهه إو یسلهه من کتلهه
إلسعاده ملهه بینه من کتلهه
کتلهه إلحزن یوم إلدث علیّه
...
یدار إلعز خلص صبری ونهلاچ
مزهیه إو ما أود نوحچ ونهلاچ
تون روحی علی أحبابی ونهلاچ
جفو یا صوب ما ردّوا علیّه
...
علی إلبیهم وفه إو غابوا هلاوین
إسنین إتعدّن إو ماجو هلاوین
إمن أدش بإلبیت و أتفگّد هلاوین
أشوف إلحزن معرس بإلثنیّه
...
إچّم نچبه ضگت گلبی ولک عد
تابعنی أغسل إهمومک ولک عد
یحظّی إبشاره إلک عندی ولک عد
کفانه إلحزن خل نفرح سویّه
...
مات إلحق إو بیه حلبوا و طربو
فلم لعبوا خبل نصبوا وطربو
إنتفخوا هوّسوا داسوا و طربو
إبعمالتهم یوصخون إلثنیّه
...
هل تقبل ردی بإلاجر ینعاب
وجوده إیضر إلمعربین ینعاب
من هو إلگال شاعر وطن ینعاب
نجم یصبح من إنجوم إلثریّه
...
إلدرس علم إلنجوم إیصیر منجم
یفز بکنوز تحت إلارض منجم
إلیرمی إبحجر قصره إیکون منجم
إبفرد گطفت حجر رایح ضحیّه
...
یون گلبی تفلش إلصخر ونته
إبأمل یربی علی إلمحبوب ونته
إعلی مودک ما ینام إللیل ونته
دریتک خنت مالک قابلیّه
...
إلطبخوا ما شهوا حلتوا و مردوا
إلتمنّوا ما کلوا فلسوا و مردوا
إلیحفرولک گبر حطبوا و مردوا
و أبو بیت إلوعه إو کضّک فدیّه
...
لفن بیّه إلهموم إو زهن چتّال
یلّفن بیّه جر إو دفع چتّال
مثل فصلیّه و إلعرّیس چتّال
لبوهه، إتحمّلت ضیم إو أذیّه
...
إضباع إلعاندت و أشلت شجرها
إبعصابه إتچمّلت و إتجر شجرها
إلارض لو صبخه ما خضّر شجرها
بس عنگز یخضّر یبز زیّه
...
إبیوم إلموزمیّه إبزود ینصح
إلحامل حقد جسمه إشلون ینصح
إبو طبع إلردی یا یوم ینصح
یحوک إلفتن بنغامه إلخفیّه
...
إلفهیم إبگعده چلمه إبزور مارد
إلسار إبدرب ربعه إسباع مارد
إلیعبر جبل کله ألغام مارد
یفوت إبعزّته إو ربّه إلتچیّه
...
جاسم ثعلبی ألحسّانی 04/10/1400
:: برچسب‌ها:
أبوذیّات عزاء حسب إلطلبات ,
:: بازدید از این مطلب : 1060
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
