ابوذیّات مغامرات
و حق من خالق الدنیا والکوان
ابغیابک گلبی ما هوّد ولکوان
ذکرتک بالاذان افطر ولکوان
نکثت ایدی او گمت غسلیت ادیّه
...
ضفتنی او نحت بالصدفه قبلتک
عطشت او شفت باشفافک قبلتک
فرد مرّه اشتهت روحک قبلتک
السبب شنهی انگطع وصلک علیّه
...
اباوّل یوم لصیامک وهنتک
عزیز او ما ازّعلنّک وهنتک
ابّطن گلبی ابمراضیّک وهنتک
توهنّی او ترد و اتخون بیّه
...
ابثانی ایّام اترکنّک وعدلک
ابصیامک ما شفت صدگک وعدلک
ابناک انسه الّی سوّیته وعدلک
بعد هیهات ما نلتم سویّه
...
ابثالث یوم اطمنّک ودفنک
انکرهت او ما اودّنک ودفنک
اعلی گبرک ارگص او ارفس ودفنک
ابگزایل و اشعل اترابک بدیّه
...
امتحنتک ما وفه عندک وشف بیک
او چنت منظار لعیونی وشف بیک
کلامک مرهم اجروحی واشف بیک
شجاک اشغیّر اطباعک علیّه
...
چنت هیل او تعنبرلی وانا ابراک
ابهوانه انخیّط اجروحک وانا ابراک
اتعبتنی ابضیمک ابهمّک وانا ابراک
نحیل اصبحت ما عندی تچیّه
...
تشگ و اتخیّط ابکیفک شعد لک
لزمتک و اغسل ابهمّک شعدلک
میّت راکس ابضیمک شعدلک
امچفّن صبری دفنیتک بدیّه
...
اطرده الگلب لو شافک ولویاک
ولکن لیلی ما نمته ولویاک
انتهت ویّاک ودّعتک ولویاک
احرگه ابنار اعوفه الخان بیّه
...
ادگ والضم گصاید ذهب ونعاک
علی المابیه وفه ورّثت ونعاک
بعد ما فادنی سلواک ونعاک
لان طوری النعی وانعی ابخفیّه
...
دفزّن یا احزانی ابچن ولنعن
علی الغیّاب گلبی الحن ولنعن
حملت اهمومی بدموعی ولنعن
المعین اللّه ابوکت تلفی البلیّه
...
یدهری اشبیک لافینی بالف هم
وحید او ربعی خانونی بالف هم
البیهم رده امطاردهم بالف هم
ابثیاب العار اچفّنهم بدیّه
...
یلوم الما دره ابعلتی بلومای
امخزّن گلبی بحزانی بلومای
ابدرب العز سرت وحدی بلومای
اعلی ظهری المای بس ممنوع الیّه
...
تبعتک ردت اگلّک احب ونسه
او علی حبنه افتنت شبان ونسه
بس یمّک احس مرتاح ونسه
اضیجن فتره لو متمر علیّه
...
احس بهمومک ابلیلک و یمّک
الگلب یرتاح من عندک ویمّک
ابصراحه اتکلّمت عنّک ویمّک
و ابوک الرفض حبنه ابلا وعیّه
...
تحب لو ما تحب شورک من اباک
اببسمتک ذهب یتلامع من اباک
تجرّعت او طلبت ایدک من اباک
او طلب طلبات عم عنتر علیّه
...
خانس لا تلوم الحب ولملاک
اشیوخ او ساده اودّیلک ولملاک
فداک الگلب وی روحه ولملاک
اهلک کفار ما عدهم حمیّه
...
الصبر جرعیته ما گصّر ولکمات
او شفت کفخات من اهلک ولکمات
الگلب ما حن جزع من کش ولکمات
الیجلد هم تضن یرحم ضحیّه
...
جاسم ثعلبی (الحسّانی) 26/01/1400
:: برچسب‌ها:
ابوذیّات مغامرات ,
:: بازدید از این مطلب : 1347
|
امتیاز مطلب : 3
|
تعداد امتیازدهندگان : 1
|
مجموع امتیاز : 1
عضو شوید
عضویت سریع
آمار مطالب
آمار بازدید
