سفیر الحب

ارتهمت  اویاک  مدری  اشلون  ودّیت

او نزف دم گلبی الک و  اشتاق ودّیت

طلبتک  من  هلک  و  اطروش ودّیت

انرفضت  ابعین  صلفه   امن  الخویّه

...

اذا متحب  عشرتی روح ، علیک  ابداعت  الربّاک

خلینه  نضل  احباب ، عهد  من  عندی  ما انساک

ابیمین البینی او بینک ، احس  بالدمعه البعینک

اضل  ویّاک  حد الموت ، من  تهوانی  انا  اهواک

...

الما  یشتم  هوی  العشّاگ ، ما   یشتم   هوی   بیته

الما  عنده   گلب   و  احساس  ، هم   یتهنّه    تالیته

وحق ربّک یضل مندوم ، عدل بین السلف  مذموم

المع  اللّه  لا  یهم  بالنّاس ، اذا ما  تقبل  اللّه اویاک

...

گلّی   اشلون  اصبر   العین ، اذا   ضاگ   الوکت  بیهه

غریبه  اتون    ونین   النوگ ، اخلافک    من   یسلّیهه

اشوف  الدمع  منهه  ایسیل ، تتحجج   علی  و  اتعیل

تفززنی  ابتوالی   اللیل ، من   تسمع    خبر   طرواک

...

تنام   النّاس ، بس    انا   ارّجت عینی

شعبنی  او  راح ، نار  الفرگه   تچوینی

کاتلنی  ابدلاله ، اشوفن   بس   خیاله

یگلبی ارحمنی ، ذاک الردته اذّاک

اذا متحب عشرتی روح ، علیک ابداعت الربّاک

خلینه  نضل  احباب ، عهد من عندی ما انساک

جاسم ثعلبی (الحسّانی) 18/10/1399