نغمات حسّانیّات
الدرب ضاگ او زلگ موجود بالک تشتبه بالک
علّمتک اهوای ادروس بس ما ترحم ابحالک
ما فاد الحچی ویّاک ما تقبل اصیر ادواک
اطبخ هم عذاب او ضیم لمّن یختفی اذلالک
...
گتلک من ترید اتروح ذکّرنی ابمواعیدک
اذا تخفی علیّه اسرار قابل انا ما افیدک؟
طارش عندی چنّه اذلال یکشف لی الخبر بالحال
من تبدی او تزور النّاس امکیّف تفرح او عیدک
...
تدری انا احبّک حیل اعلی شانک لیلی ما انامه
سهران او افکّر بیک طایر عگلی بالشامه
انغرّیت او تفخت اردود شفت حبّک علیّه ایزود
انکرتنی و الدرب مسدود او نسیت ابروحی محتامه
...
ملّیت او تعبت اویاک عشره و انتهت بینه
تقصیرک گطعت الیاس من ثمرة معانینه
شایل خشمک او زعلان بس کافی العتب یفلان
گطعیت الوصل ویّاک اشوفک منته هاوینه
...
ما عندی زعل ویاک دشّیتک وسط بیتی
ترید العشره دوم اویای حاول تحترم صیتی
انا ویاک چنّه اخوان ضد العدو و الطغیان
الفرق ارض او سماء ویاک تربیتک او تربیتی
...
من شفتک لفاک العوز اجیتک ما غبت عنّک
حتّی ابدشت الدیوان فوگ الراس ارفعنّک
هسّه من جفاک العوز صایر بالحچی مرموز
اذا تکره عشرتی اویاک طبعاً ما اریدنّک
...
شاعر الشعبی:
جاسم ثعلبی (الحسّانی) 18/06/1399
:: برچسب‌ها:
#نغمات حسّانیّات ,
:: بازدید از این مطلب : 1128
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
