ابوذیّات دموع السائلات
هله بضیوفی گصدونی وحیهم
او فخر عفّت مضایفهم و حیهم
ابخیال ایمرنی طاریهم وحیهم
امن امر بدیارهم تزهی الثنیّه
...
الجفونی الگعده ما تحصل ویاهم
ادگّن بالصبر و الهم ویاهم
بعد یا واجبه اتلمنی ویاهم
ابحلم و الذکریّات اتمر علیّه
...
طفل مرضع علیّه العگل یردم
اصلحه ابفکری بالنهتات یردم
اضمّد بالجرح والگلب یردم
اضمد الگلب جرحی انفتگ بیّه
...
الجفانی ما ترکنی ابفرح بچلای
حنین او من یمسنی الدهر بچلای
احس بفراگه نار او جمر بچلای
واحس بیه ما نسانی ایعود الیّه
...
عمتک اخت ابوک ، خال ابنهه خلّف ولد
والولد جاب ابنیّه ، البنت شتصیر منّک؟
الجواب: الرجل ما یخلّف.
...
طراجیعک لفتنه اصغار واکبار
الطفل و الشیبه من کل ضار واکبار
من ضیمک نصیح اللّه والکبار
انتمنّه الموت عید النه المنیّه
...
حسبنه احساب حبنه ونتهینه
اشلفاک الگلب خنته و نتهینه
تقابلنه ابحچینه ونتهینه
النکر بوعوده یتحمّل خطیّه
...
ذکرت اسنین ودنه لمّه جنّه
او دخل بینه الیضدنه لمّه چنّه
چفه ابزوده جدرنه لمّه چنّه
السبب فرّقنه صیت الطائفیّه
...
علیک اشما زعلت الروح لامت
او حبل وصلک احس مَنگطع لامت
طلب عندی اریده عدل لامت
توّدیه قبل لا تلفیک اذیّه
...
عنید اتعذّب ابحالی خلفتک
وامسخک لا تجی مثلک خلفتک
عساک اتموت من ضیمک خلفتک
واحط حفلت فرح و ادعی الخویّه
...
عطش عودی ابنخل شوگی ولادر
ابذهب یا ما چنت سمته ولادر
علی السبب خدر موتی ولادر
انتظر فرگاه ولا ملگاه الیّه
...
اذا سیفک عذابک من یعدلک
عوج والنّاس لاعت من یعدلک
میّت جَف لعابک من یعدلک
احفره الگبر واترخّه المنیّه
...
تچیل او ترمی چبدی بس عفتنی
مریض او دافعت لک بس عفتنی
انتخیت او جیت انغذک بس عفتنی
او کسرت اگراب سیفی او هنت بیّه
...
الرسول اللّه النسب جرنه ویدنه
و ابوسفیان هددنه ویدنه
الیحارب شیعت الیمّه ویدنه
یزید ایصیر مکشوف الهویّه
...
اجروحی بیش اضمّدهه و لمهه
او بعد ما احاور ابروحی ولمهه
شبعت ضیم من همهه ولمهه
او صارت تاجره اتصدّر اذیّه
...
غریب او تقلع ابربعک شمثلک
بالعالم کلّه ما یاجد شمثلک
تخون او تهدر ابصیتک شمثلک
ابفرح مثل الاسد محسوب الیّه
...
انکشفت ابآخر اسرارک کفتلک
هم یولد حماء ابکیفک کفتلک
المصایب دوبحت صوبک کفتلک
ابقطار العمر وانفضهن سویّه
...
شفت روحک علی بخلت ولاجت
تهنّت و اشترت خانت ولاجت
ابعینک ما تصد عینی ولاجت
شرار ادموعها ایطفّر علیّه
...
تحن روحی اعلی شوفک من یعتها
او تدگ بالصبر تلهم من یعتها
شوگک دهوراهه من یعتها
عدو وانهار ما یرحم بلیّه
...
حکیمی روحی تعبانه شفلها
اغلگت بیبانها او گفلت شفلها
دلّینی ابدوا یاجد شفلها
ولو بالصین ما یصعب علیّه
...
جاسم ثعلبی (الحسّانی)27/03/1400
:: برچسب‌ها:
ابوذیّات دموع السائلات ,
:: بازدید از این مطلب : 1266
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
